Leirvik AS utviklar løysingar for bruk av aluminium i berande brukonstruksjonar.
Me har tidlegare bygd Noregs einaste køyrebru i aluminium, og me har gjennom fleire studiar og forprosjekt vist at aluminium er eit godt eigna materiale i alt frå korte gang- og sykkelbruer til lange køyrebruer. Leirvik AS investerer dessutan i moderne utstyr og teknologi for automatisk og effektiv bygging av brukonstruksjonane våre. Me ønskjer no å styrkja miljøet vårt med ein selgjar/foretningsutviklar som kan bidra til satsinga vår innan denne marknaden.
Arbeidsoppgåver
Sal av aluminium som brubyggingsmaterial
Kontakt med vegeigarar, kundar, entreprenørar og rådgjevingsfirma
Marknadsføring av aktuelle bruprosjekt
Utvikling og gjennomføring av strategiplanar
Bidra til utviklinga av aluminiumsløysingar for brumarknaden
Aktiv deltaking på relevante konferansar, messer, høyringsmøter etc
Ønska Kvalifikasjonar
Relevant økonomisk eller administrativ utdanning
Erfaring med sal av nye produkt i ein etablert marknad
https://candidate.webcruiter.com/cv?advertid=4554174481&language=nb&link_source_id=0Leirvik AS er ei moderne verksemd med 300 topp kvalifiserte medarbeidarar. Etter nær 50 år med bygging og vedlikehald av offshore bustadhotell, satsar me no i tillegg på nye område som akvakultur, infrastruktur og havvind. Me har i dag eit breitt ingeniørmiljø som utviklar teknologi og løysingar som vert nytta for å byggja og vedlikehalda bustadhotell, både på eige verft på Stord og offshore. Det har vore eit krav til omstilling i heile vegen – og me har klart det takka vera ei kontinuerleg nyskapings- og entreprenørånd gjennom generasjonar. Og det aller viktigaste; me har gode folk på alle plan!
